កណ្ដាល៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានឆ្លៀតពេលពីការងារបន្តិចហាត់ប្រាណដោយការវាយកូនគោល។
សម្ដេចតេជោបានសរសេរនៅលើហ្វេសបុកផេករបស់សម្ដេចនៅរសៀលថ្ងៃទី១៨ ខែមករានេះថា៖ «ការងារនៅផ្ទះឆ្លៀតហាត់ប្រាណដោយវាយកូនគោល។ កន្លងទៅការងារច្រើនហួសតែទម្ងន់ក៍កើនដោយទទួលទានច្រើនដូចនេះមានតែហាត់ប្រាណនិងបន្ថយអាហារទើបបន្ថយទម្ងន់មកវិញបានខ្លះ»។
សម្ដេចបានបង្ហោះដោយអមជាមួយរូបភាពប្រមាណ ១០សន្លឹកពីសកម្មភាពរបស់សម្ដេចនៅតារាងវាយកូនគោលផងដែរ៕